泰國2019必買零食彩妝要用品

泰國2019必買零食彩妝要用品

泰國絕對係一個香港人必去之地，陽光有，海灘有，shopping有，美食有，簡直就係應有盡有，而且物價又平，對比韓國或者日本，我認為泰國更值得要去一次。簡直玩到瘋狂，買到瘋狂，食到瘋狂，我諗去一個星期已經可以重至少10榜返來。而返來嘅時候相信大喼加雙手拎埋都唔夠喉，到底有咩咁值得買？

零食

芒果乾

我最最最鍾意就係芒果乾，平時係香港都經常買來食，宜家係泰國仲唔掃夠半打返屋企食到厭！（其實我屋企人都好鍾意食芒果乾，分分鐘半打都唔夠）

小老闆紫菜

最好買泰國限定嘅味道（專賣店最多選擇），因為有啲係香港好多地方都有賣，唔洗特等飛過去買。我覺得一支支嘅好味啲，不過要買返來就得小心啲，要預足夠嘅空間擺放佢地，如果唔係就好容易碎，到時可能要倒出來試@@

皇家牛奶片

牛奶含量高達70%，濃濃牛奶味，入口即溶，大人細路都啱食，可以當補鈣片食，但唔建議一食食太多，尤其小朋友

Bento魷魚

唔怕辣嘅，4種味(藍蒜香味、紅甜辣口味、橘香辣口味、黃酸辣味)買曬佢就啱啦，煲劇嘅時候慢慢享受，正啊！不過唔食得辣嘅或者平時食開少辣嘅都唔太推薦，藍色睇落係唔辣嘅，但比唔食辣嘅屋企人試，一食即刻要灌水，所以唔食得辣嘅朋友仔就唔好亂試啦

百力滋

買泰國獨有嘅味冬蔭功、芒果味及香蕉朱古力，款款都咁正，想一手係個架掃曬落來，最啱返工口痕又餓嘅時候，一支一支拎來食，yummy

大哥花生豆

香脆爽口，一次過倒幾粒入口最過癮，可以食到無停口！建議買黃色原味同青綠色wasabi味。如果平時屋企人飲下啤酒嘅買多少少比佢地送酒，我諗佢地會贊不絕口

彩妝藥品

Mistine

眼線液及眉筆都超級好用，勁受女性歡迎，平平地買兩支旁身都唔錯

Milk Plus牛奶洗面乳

好香嘅牛奶味，啲泡沫細緻舒服，聽人講佢仲有啲美白效果，但我就覺麻麻地，反而保濕力比普通嘅洗面奶好

POND'S 旁式蜜粉

質地同爽身粉一樣，但可以擦係臉上當散粉用，粉質細緻，味道清香，可吸汗控油，推薦比容易出油出汗嘅朋友們。好似話仲有少少防曬功效，有輕微遮瑕作用

ele睡眠面膜

有美白去黃、保濕抗衰老及收毛孔，唔需要用清水沖洗，方便快捷，最適合懶人用來保養

臥佛牌青草藥膏

屋企必備嘅藥品之一，適用於暈車暈船、肌肉酸痛，尤其對蚊蟲叮咬有好好嘅消炎止癢功效，好似話可以緩解經痛。自己用過對比蚊咬幾好，搽完無咁痕

Dentiste草本美白牙膏

成分天然，有淡淡的青草香，用完有種好fresh嘅感覺

Tag

泰國, 旅行, 泰國芒果乾, 泰國小老闆紫菜, 泰國皇家牛奶片, 泰國百力滋, 泰國Bento魷魚, 泰國大哥花生豆, 泰國Mistine, 泰國Milk Plus牛奶洗面乳, 泰國POND'S 旁式蜜粉, 泰國ele睡眠面膜, 泰國臥佛牌青草藥膏, 泰國Dentiste草本美白牙膏,